Камсем эпир, мĕнле кăкран эпир?

Ăçти тусан пирĕн ÿте хуратнă,

Ăçти шыв-шур пирĕн пите шуратнă,

Менле çилпе те хĕвелпе эпир

Кăлкан çилхи пек кăмăла вылятнă?

(В.Станьял)

Кулленхи пурнăçра эпир тĕрлĕрен те тĕрлĕ уявсене хутшăнатпăр: çăварни, мăн кун, ака туй, çимĕк тата ыттисем те.  Паллах, паянхи уявсем мăн асатте-асаннесеннинчен расна, ĕлĕк уявланă уявсенчен ытларахăшне пăрахăçлнă та ĕнтĕ .

Пĕлетпĕр-ши эпир авалхи уявсене? Мĕнлерех йăла-йĕркене тытăнса пынă пирĕн йăхсем?  Паянхи пурăçра авалхи халăх культурин сĕмĕ сыхланса юлнă-ши? Çак ыйтусене сÿтсе явас тĕллевпе Палтайри пӗтӗмӗшле пӗлӳ паракан вӑтам шкулта «Камсем эпир? Мĕнле йăхран эпир?» краеведении урокĕ иртрĕ. Чăваш чĕлхипе литература вĕрентекенĕ Клочкова Т.В. 6-мĕшсене «Чувашская Республика», «Чувашское народное искусство» энциклопедисемпе, «Тăван ен» кĕнекепе паллаштарчĕ. Ачасем урокра чăваш тĕррине тишкерчĕç, ăна вулама вĕренчĕç, тум-тир уйрăмлăхĕсем çинчен калаçрĕç, авалхи уявсене те аса илчĕç. Вĕренекенсен  уйрăмах чÿк уявĕсем кăсăклантарса ячĕç, çавăнпа та урока «Çумăр чÿкĕ» («Моление о дожде») видеофильмпа вĕçленчĕ.