Ака уйăхĕн 21- 28 – мĕш кунĕсенче Чăваш чĕлхи эрни иртет. Çак эрнене халалласа апрелĕн 21-мĕшĕнче Палтай  шкулĕн 9, 10-мĕш классенче вĕренекенсем К В. Иванов ячĕллĕ Ĕçлĕх Хĕрлĕ Ялав орденлĕ Чăваш патшалăх академи драма театрне спектакль кайса курчĕç. И.Франко çырнă, чăвашла В.Игнатьев куçарнă, «Вăрланă телей» драма ачасен кăмăлне кайрĕ. Драмăна Чăваш Республикин халăх артистне Н.Корчаков режиссера халалланă. Ытларах тĕп сăнарсене вылякан артистсем асра юлчĕç: В.Александров, Е.Хрисанфова, П.Садовников. Петр Садовников артист Михайло Гурман рольне питĕ ĕнентерÿллĕн, хамăр ентешле вылярĕ. Спектакльте кулăшла самантсем те пулчĕç, анчах та тĕп сăнарсен телейсĕр шăпи ачасене хурлантарчĕ,

Ачасем Шупашкарти ытти илемлĕ вырăнсенче те пулчĕç: МТВ центрĕнче, заливпа Атăл хĕрринче, И.Я. Яковлев, К.В. Иванов палăкĕсем умĕнче. Çак çурхи ăшă кун ачасен чĕрисем савăнăçпа тулчĕç.