«Эпир пулнă, пур, пулатпăр» çамрăк çыравçăсен ĕçĕсем

    Яков Ухсая 100 çул

 Çĕр çул тултарĕ кĕç Ухсай,

Ан тăр эсĕ пуçна усса.

Чăваш ятне çӳле çĕкле,

Сассу тăтăр  кĕрле-кĕрле.

 

Чăваш тĕнчи пĕтмĕ нихçан,

Чĕлхе вăйне туйса пырсан.

Ухсай! Мухтав та чыс сана,

Эс çунат хушрăн чăваша!

Серебряков Сергей, 6 класс

 

         ***

Сăввусем хавхалану хушаççĕ,

Çунатлантăм вĕсене илтсен.

«Хирӳсем» миçе çул янăраççĕ,

Халăх умĕнче уявсенче.

Мухтанатăп эпĕ сирĕнпе -

Сире манмĕç ĕмĕр иртсен те.

 

Васильева Лаура, 6 класс

 

         ***

Тем чухлĕ çул иртсессĕн те

Манмастпăр Ухсая эпир.

Унăн сăввисем шевле те,

Уçă, çутă, ăшă ир.

 

Петров Сергей, 6 класс

 

 

 

 

 

Пирĕн класс

Пурăнатпăр пит аван,

Туслăн, шавлăн, кăмăллăн.

Юрă-ташă юрататпăр,

Çынсене савăнтаратпăр.

 

Мускаври артистсенчен

Эпир пĕртте кая мар.

Пĕтĕм тус-юлташсенчен

Настя вара чи хастар.

 

Икĕ Çеруш – çывăх тус.

Вĕсемпе эс ан тавлаш.

Пĕри – ăста «президент»,

Тепри – унăн çумĕ тет.

 

Екатерина Лавреньева, 6 класс

     ***

Вăранатăп ир-ирех,

Ыр сунатăп хĕвеле.

Пит çăватăп васкаса-

Пултăр вял ялан таса.

 

Вĕтеретĕп сукмакпа,

Сар хĕвел куçне хĕсет.

Парнелет хăй ăшшине

Лайăх вĕренме хистет.

 

Вĕренетĕп тăрăшса -

Курас марччĕ намăса.

Çилленĕ ачаш шевле

Тек çĕкленмĕ вăл çӳле.

 

Васильева Лаура, 6 класс